თბილისი (GBC) - დიდი ბრიტანეთი ევროკავშირიდან გასვლის პროცედურების დაუყოვნებლივ დაწყებას არ გეგმავს და ევროკავშირის მხრიდან ზეწოლაზეც საუბრობს.
ბრიუსელის განცხადება ზეწოლად ქვეყნის საგარეო საქმეთა მინისტრმა ფილიპ ჰამონდმა შეაფასა, აღნიშნა, რომ ქვეყანას არ აქვს ვალდებულება პროცედურების დაუყოვნებლივ დაწყებაზე.
"პრემიერ-მინისტრმა (დევიდ ქემერონმა) ნათლად განაცხადა, რომ პროცედურების დაწყების გადაწყვეტილება დარჩება მომდევნო პრემიერს", - ციტირებს ITV ჰამონდს.
მან ასევე განაცხადა, რომ საკუთარ თავს მომავალ მთავრობაში ვეღარ ხედავს.
შეგახსენებთ, 24 ივნისს, რეფერენდუმის შედეგების გამოცხადებისთანავე ევროკავშირის ლიდერებმა ერთობლივი განცხადებით მოუწოდეს ბრიტანეთს პროცესების დაჩქარებაზე, რათა არ გაგრძელდეს გაურკვევლობა.
პარალელურად, ბრიტანეთში Brexit-ს აპროტესტებენ და უკვე 3 მილიონზე მეტი ადამიანი რეფერენდუმის ხელახლა ჩატარებას ითხოვს.